Në seancën e gjyqit, që u mbajt sot për Enertila Beqajn, tashmë e lënë në arrest me burg, prokurori i çështjes nxori disa nga provat që ‘fundosin’ 27-vjeçaren.
Mësohet se Enertila fliste me të riun në ‘Facebook’ nga një adresë me emrin Elona Gjoka.
Fillimisht ajo i kishte kërkuar Barush Ahmetit një palë kolltuqe që t’ja dërgonte tezës në fshatin Manëz, sepse sipas saj ndodhej në gjendje shumë të keqe ekonomike.
Barushi ka paraqitur në Prokurori si provë nga celulari i tij foto nga kolltuqet si dhe faturën e tyre e më pas të gjitha dhuratat, nga dy televizorët plazmë, aparat dixhitalbi, lavastovilje, sobë druri, pistë vrapi, bixhuteri floriri nga më të ndryshmet, dy ipohne 6 dhe 7 plus.
Dhurata këto të cilat ishin të fotografuara dhe të dërguara tek adresa me emrin Elona Gjoka, ku kjo e fundit jepte aprovimin nëse i duheshin ato dhurata me atë x stil apo dhe ngjyrën përkatëse dhe nuk nguronte që të referonte se çfarë i pëlqente. Ndërkohë, një dhuratë ishte blerja e motorit dhe targimi në emër të Myrteza Beqajt, babait të vajzës, shkruan Panorama.
Sipas organit të akuzës, Enertila i kishte dërguar me “Facebook” fotografinë e kartës së identitetit të babait te saj dhe Barushi, i cili pasi kishte blerë motorin e kishte targuar dhe regjistruar në emër të babait të vajzes qe po “ia merrte mendjen”. Edhe motori është sekuestruar në cilësinë e provës materiale nga prokuroria.
Sipas informacioneve që disponon ‘Panorama’, ajo që krisi marrëdhënien e çiftit, ishte fakti që vajza me emrin Elona Gjoka i tregonte të dashurit të saj se babai kishte vrarë dhëndrin, burrin e motrës. Ndaj, sipas saj ajo nuk mund t’i mbante bizhuteritë, pasi babai i saj kishte marrë vesh lidhjen e tyre.
“Këto bizhuteri që kam duhet t’i hedh poshtë. Duhet të mi blesh nga fillimi, pasi babai im do të vrasë. Që të shpëtosh nga vrasja, pasi babai im e ka marrë vesh lidhjen tonë, duhet të më blesh dhuratat”, mësohet të jetë shprehur e reja në faqen e saj të “Facebook”. i kërcënuar nga ky fakt, Ahmeti, drejtori i Poste në Manzës, ka bërë denoncimin në policinë e Durrësit, ndërkohë që vajza e mbylli adresën në ‘FB’ me emrin Elona Gjoka. /tesheshi.com/
