Një raport i dalë nga një organizëm i rëndësishëm ndërkombëtar e paralajmëron Shqipërinë për nivelin e lartë të borxhit. Moody’s thekson se në fund të vitit 2015 borxhi i Shqipërisë do të jetë 73%, për të rënë më pas në 70% në 2016-ën.
Agjencia prestigjioze ka bërë një raport të veçantë, të quajtur “Qeveria e Shqipërisë”. “Ndërsa kandidatura e Shqipërisë në BE ka nxitur luftën kundër korrupsionit dhe përparimet në reformën e sektorit publike, përshtatja institucionale me standardet e BE-së mbetet ende e tejzgjatur, dhe ne presim që mjedisi i biznesit të mbetet i kufizuar,” ka thënë Evan Vvohlman, as.zv. president, analist dhe autori i raportit të Moody’s.
Raporti vëren se treguesit fiskalë u përkeqësuan ndjeshëm para zgjedhjeve parlamentare të 2013-ës. “Megjithatë ne presim efekte pozitive nga integrimi në BE, që ka provuar të jetë një guidë e rëndësishme e hyrjes së investimeve të huaja direkte mes vendeve për anëtarësim në rajon”, ka shtuar Vvohlman.
Moody’s thekson më tej në raport se, për të ecur përpara, Shqipëria duhet të vazhdojë luftën ndaj korrupsionit, forcimin e të drejtës së pronës dhe sistemit gjyqësor, çka do të sjellë përmirësim të konkurrencës dhe do të zgjerojë tërheqjen e biznesit./tesheshi.com/
