Emigranti nga Mali, i cili shpëtoi jetën e një fëmijë të vogël që rrezikonte të binte nga ballkoni i katit të katërt, mori nënshtetësinë franceze.
Mamoudou Gassama, djaloshi nga Mali u kacavjerr duke hipur nga një ballkon në tjetrin derisa arriti të kapte fëmijën që ishte varur në ballkon. I vogli nga momenti në moment rrezikonte të binte.
Presidenti, Emmanuel Macron, takoi Z. Gassama në Pallatin Elysee për ta falënderuar personalisht.
Ndërkohë, kryebashkiakja e Parisit Anne Hidalgo gjithashtu vlerësoi heroizmin e 22-vjeçarit dhe tha se e kishte thirrur që ta falënderonte.
Ai kishte mbërritur nga Mali pak muaj më parë duke ëndërruar të ndërtonte jetën në Francë./tesheshi.com/
