Komisionerja e Lartë e Bashkimit Evropian për Politikë të Jashtme dhe Siguri, Federica Mogherini, ka theksuar se bashkëpunimi i intensifikuar dhe koordinimi i aktiviteteve ndërmjet BE-së dhe NATO-s janë shumë të rëndësishëm, ndërsa vend të veçantë e zë edhe shkëmbimi i të dhënave të inteligjencës ndërmjet këtyre dy subjekteve.
Komisionerja Mogherini ndodhet të Antalia të Turqisë ku merr pjesë në takimin e Ministrave të Jashtëm të NATO-s, ndërsa gjatë paraqitjes para gazetarëve tha se BE-ja avokon bashkëpunim intensiv me Aleancën Veri-atlantike.
Duke theksuar se dy institucione mund të kenë pikëpamje të ndryshme mbi kriza të caktuara, Mogherini tha se BE-ja dhe NATO ndajnë të njëjtat vlera dhe frika për të gjitha çështjet dhe se e plotësojnë njëra-tjetrën.
Mogherini ka thënë se në takimin e sotëm të shefave të diplomacive të NATO-s do të diskutohet për tensionet ndërmjet BE-së dhe Rusisë, si dhe situatës në Ukrainë dhe mbështetjen e nevojshme shtesë për misionin e OSBE-së në atë vend. Ajo shtoi se pjesëmarrësit e takimit do të prezantojnë udhëzime mbi zhvillimet e fundit në Libi dhe në pjesën tjetër të Mesdheut.
