Manchester United ka bërë një “gafë” të rëndë me lejimin e paraqitjes së uniformës së re, nëpërmjet imazhit të armenit Henrik Mkhitarjan. Fanella dukej estetikisht shumë e bukur, por kush e pati mendjen tek ajo!
Tifozë, sportistë e njerëz të zakonshëm, janë marrë “me shtatzaninë e papritur” të armenit, i cili në foto shfaqet me një mbipeshë të theksuar se një bark aspak dinjitoz për një futbollist “normal”.
Fotoja në fakt është bërë objekt talljeje në rrjetet sociale dhe epitetet për paraqitjen e Mkhitarjan, nuk munguan.
“Manchester Junajtid është i lumtur të njoftojë se armeni Henrik Mkhitarjan po pret binjakë”- thuhej në një postim.
“Mançester Junajtid do të prezantojë Lukakun sapo ta lindë armeni Mkhitarjan”. “Manchester United duhet të huazojë një lojtar krahu kur Mkhitarjan të marrë lejen e lindjes”- vijuan të tjera komente.
Natyrisht që klubi britanik e hoqi foton nga portali i klubit, por nuk dha asnjë sqarim nëse Mkhitarjan do të “lindë” vetë, apo me “cezarian”. /tesheshi.com/
