Hulumtuesit nga Akademia Sahlgrenska në Suedi kanë analizuar se sa mirë funksionojnë ushtrimet si shërim për migrenën, në krahasim me ushtrimet e relaksimit ose ilaçet.
Hulumtimi ka përfshirë 91 pacientë që vuajnë nga migrena. Një e treta e tyre janë ushtruar 40 minuta nga tri herë në javë nën mbikëqyrje, një e treta kanë bërë ushtrimet e relaksimit, ndërsa një e treta ka marrë ilaçet topiramate.
Hulumtimi ka zgjatur tri muaj, periudhë kjo gjatë së cilës është përcjellë gjendja e migrenës te pacientët, cilësia e jetës, dhe niveli i aktiviteteve fizike të cilat janë matur para, gjatë dhe pas trajtimit.
“Përfundimi ynë është që ushtrimet trupore mund të veprojnë si alternativë për ushtrimet e relaksimit ose ilaçet, kur është në pyetje parandalimi i migrenës,” thuhet në deklaratën e hulumtueses kryesore, Emma Varkey, nga Akademia Sahlgrenska.
Rezultatet kanë treguar se si numri i migrenave ka rënë tek të tri grupet. Fakti që nuk ka pasur dallime në efektet preventive në mes tri trajtimeve, është interesant./tesheshi.com/
