Klubi i Milanit e ka marrë dritën e gjelbër nga “Fondazione Fiera Milano” për ndërtimin e stadiumit të ri dhe tani është vetëm në pritje të lejes përfundimtare nga Komuna e Milanos, për zonën ku do të bëhet impianti i ri i kuqezinjve.
Me gjithë kundërshtimin e banorëve të zonës, projekti për stadiumin e ri është miratuar dhe gjiganti italian tani e ka rrugën e hapur.
“Ky është një hap historik, pasi që është hapi i parë drejt një gjëje të madhe.
Ne po ofrojmë një stadium urban, për të nxitur zhvillimin e kësaj zone dhe për ta bërë simbol të qytetit”, deklaroi vajza e presidentit Silvio Berlusconi, Barbara. /tesheshi.com/
