Paramenti miratoi ligjin e Arsimit të Lartë me kundërshtimin e opozitës, e cila shpreson që Presidenti i Republikës, Bujar Nishani, të mos e dekretojë atë.
Pas 9 orë debatesh, Kuvendi ka miratuar projektligjin e arsimit të lartë me 78 vota pro, asnjë kundër dhe asnjë abstenim. Ndërkohë, opozita braktisi votimin në shenjë proteste për atë që e cilësoi si “pazarin me universitet”.
Por ikja e demokrateve u shoqërua me një defekt të votimit elektronik, gjë që detyroi votimin me kartonë.
Ashtu si në çdo seancë të ligjeve të rëndësishme, debati që ka spikatur ishte ai mes ish-kryeministrit Berisha dhe kryeministrit Rama.
Pavarësisht gjestit jo të zakonshëm të ministres Nikolla, për sqarim jo vetëm në podium të ish-kryeministrit Berisha, ai sërish ka kundërshtuar projektligjin si antikushtutes.
