Ovacionet që i morri futbollisti i Real Madridit, Isco në fushën rivale ndaj Elches dëshmon më së miri për respektin e tifozëve rival që mund `ti bëjnë një kundërshtari të tyre. Pos spanjollit, shumë futbollistë para tij ishin duartrokitur në fushat rivale të tyre. “Tesheshi.com” ju sjell dhjetë ngjarje të tilla:
Cunningham: Barcelona 0-2 Real Madrid (sezona 1979-1980)
Laurie Cunningham është lojtari i fundit madrilien i cili u përcoll me ovacione nga Camp Nou në një “El Clasico” para 35 viteve. García Hernández dhe Santillana ishin dy realizatorët që i kishin dhënë triumfin skuadrës madriliene mirëpo duatrokitjet e publikut azulgrana ishin për Cunningham, i cili i kishte dhurar shfaqje në Camp Nou, para mbrojtësve të Barcelonës.
Ronaldo: Manchester United 4-3 Real Madrid (sezona 2002/2003, Liga e Kampionëve)
Sulmuesi brazilian e kishte natën e tij në “Teatrin e Ëndrrave”. Loja e mirë e Ronaldos së moçëm u konvertua në një hetrik që sulmuesi praktikisht i dha kualifikimin Real Madridit duke e heshtur kështu “Old Trafordin”. Publiku vendas u fasionua me paraqitjen e ‘Fenomenit’ dhe në fund i dha përshëndetjen e merituar duke e aplauduar i gjithë publiku.
Ronaldinho: Real Madrid 0-3 Barcelona (sezona 2005/2006)
Triumfi i Barcelonës në Bernabeu (0-3) kaloi nën hijen e ‘magjisë’ së Ronaldinhos, i cili realizoi dy super gola duke e ngritur të gjithë publikun madrilien në këmbë. Imazhet e një prindi me fëmijën e tij bënë xhiron e botës, pasi që të dy ishin tifozë të zjarrtë të klubit madrilien por që po duartrokisnin për një rival të përbetuar të tyre.
Del Piero: Real Madrid 0-2 Juventus (sezona 2008-2009, Liga e Kampionëve)
Sulmuesi legjendar i Juventus, Alesandro Del Piero erdhi në Bernabeu disa ditë pasi i mbushi 34 vjeç, por paraqitja e tij spektakolare vënte në dyshim moshën e tij, pasi ajo idealja duhej të ishte 25. Me dy super golat e tij ai i dha fitoren klubit italian, ndërkohë publikut në Bernabeu një shfaqje spektakolare të cilën ata e përcollën me duartrokitje në momentin kur italiani braktisi fushën.
Messi: Atlético 1-3 Barcelona (sezona 2008/2009, Kupa e Mbretit)
Ardhja e Pep Guardiolas në krye të Barcelonës solli me veti edhe një gjeni i cili do ti bënte shumë publikë për veten e tij. Paraqitja e Lionel Mesit në Vicente Calderon ndaj Atletikos së Madridit u përcoll me brohoritje e duatrokitje. Messi në atë takim realizoi het trik (1-3), për ti dhënë kualifikimin blaugranëve për në fazën tjetër.
Iniesta: Espanyol 1-5 Barcelona (sezona 2010/2011)
Shumë pak gjëra mund të jenë më të hidhura se sa të poshtërohesh nga rivali lokal në derbi. Pavarësisht kësaj tifozët e Espanyolit e përshëndetën futbollistin e Barcelonës, Andres Iniestën me duatrokitje. Futbollisti azulgrana i’a kishte dedikuar golin e finales së Botërorit ish kapitenit të Espanyolit, Dani Jarque i cili ndërroi aksidentalisht dhe kjo nuk u la pa u shpërblyer nga tifozët katalunas.
Xavi: Athletic 2-5 Barcelona (sezona 2014/2015)
“San Mames” ngritet në këmbë pavarësisht humbjes ndaj Barcelonës me rezultat të thellë (2:5). Shkak për këtë ishte futbollisti blaugranas, Xavi Hernandes i cili edhe pse nuk shënoi asnjëherë ai ishte i aplauduari nga publiku vendas.
Cristiano: Liverpool 0-3 Real Madrid (sezona 2014/2015, Liga e Kampionëve)
Që nga koha kur Carlo Ancelotti morri drejtimin e tij në Real Madrid, ndeshja ndaj Liverpoolit në Anfield ishte njëra ndër më të mirat. Pjesa e parë e lojës ishte për mbamendje, 0-3 për Madridin dhe spektakël nga Ronaldo. Për këtë arsye publiku vendas u ngrit të këmbë për ti duartrokitur yllit portugez në momentin kur u zëvendësua.
Lampard: Chelsea 1-1 Manchester City (sezona 2014-2015)
Tifozët londinez nuk e harrojnë lehtë ish kapitenin e tyre, pavarësish se ai mban të veshur fanelën e një skuadre rivale dhe për më tepër si ai po ua merr dy pikë duke iu shënuar gol. Asgjë nuk i ndalon tifozët e Chelseas për ti dhënë ovacionet e duhura Frank Lampardit sikurse në Manchester po ashtu edhe në Londër.
Isco: Elche 0-2 Real Madrid (sezona 2014-2015)
Mesfushori spanjoll ishte sërish protagonist për skuadrën e Real Madridit e cila fitoi ndeshjen e rradhës ndaj Elches (0-2). ‘Magjia’ e tij u përcoll me fanatizëm nga publiku vendas i cili nuk harroi ti japë përshëndetjen e duhur Iscos në momentin që ai u zëvendësua në minutat e fundit të ndeshjes. /tesheshi.com/
Përgatiti: Drilon SYLEJMANI
