Ambasadori i Shqipërisë në Kosovë, Qemal Minxhozi ka deklaruar se askush nuk pengon Kosovën dhe Shqipërinë për një bashkim në çadrën e Bashkimit Evropian.
Kurse, a frikësohet apo a reagon Serbia, pak ka problem. Ndërsa sa i përket deklaratave të përfaqësuesve serb, Minxhozi në një intervistë për KosovaPress ka thënë se pak problem ka, pasi Serbia bën politikën e vet dhe Shqipëria të vetën.
Ai ka shtuar se jemi vende të një rajoni dhe kjo nuk na ndalon aspak që ne të bashkëpunojmë me Kosovën në fusha të ndryshme.
“Bashkimin ekonomik nuk na ndalon kurrkush për ta bërë. Se ne kur flasim për një bashkim ekonomik kemi parasysh parametrat evropiane. Ne nuk flasim për klandestinitet bashkëpunimi por ne e bëjmë fare hapur. Ne do të bashkojmë doganat, ne do të bashkojmë tarifat të ndryshme akcizat dhe me radhë për t’u zhvilluar për të ecur përpara. Kjo është ajo thelbi që thotë zoti Rama në deklaratat e tij, do të thotë nuk na pengon kush për një bashkim në çadrën e Bashkimit Evropian”, ka thënë ai.
Ai po ashtu ka thënë se Kosovës duhet t’i jepen të drejtat që i janë mohuar në lëvizjen e lirë. Se a frikësohet Serbia,a reagon Serbia pak problem ka.
“Ai nxjerr problemin në atë intervistë që Kosovës duhet t’i jepen të drejtat që janë mohuar siç është ajo e lëvizjes së lirë, siç e kanë të gjitha vendet tjera.Pastaj se a frikësohet Serbia, a gëzohet Serbia, a reagon Serbia pak problem ka, Serbia bënë politikën e vet, ne bëjmë politikën tonë, Serbia është e bindur në vetvete që nuk ka kthim prapa, Kosova është një shtet sovran i pavarur me njohje të gjerë ndërkombëtare… Jemi vende të një rajoni dhe kjo nuk na ndalon aspak që ne të bashkëpunojmë me Kosovën në fushën e tregtisë, në fushën e prodhimit, në fushën e arsimit, në fushën e gjuhës historisë tjerë me radhë”, ka thënë Minxhozi.
Ambasadori ka thënë nër të tjera se tani po shikohet mundësia për marrjen e fondeve të përbashkëta rajonale.
“Ne po këmbëngulim fortë në ato tavolina, në ato tryeza ku është edhe Shqipëria të jetë edhe Kosova, në nismat rajonale e me radhë. Tani ka filluar procesi i Berlinit, të keni parasysh që nën drejtimin e kancelares Merkel po shikohet mundësia për marrjen e fondeve të përbashkëta rajonale ku edhe Kosova të jetë e njëjta përfituese si gjitha vendet e Ballkanit Perëndimor”, ka thënë Mixhozi.
Po ashtu , Minxhozi ka thënë se po bëjnë ç‘është e mundur për të ndihmuar ose për të ndikuar në faktorizimin e Kosovës në të gjitha proceset që janë dhe jo për ndonjë gjë por që Kosova e meriton sepse duhet të ketë të drejtat e plota të patjetërsueshme si një shtet i lirë i pavarur dhe sovran.
