Kërcënohet nga ISIS Ministri i Brendshëm Saimir Tahiri. Në adresën personale të emailit të Tahirit ka mbërritur një mesazh kërcënues që lidhet me terrorizmin por me emër të një organizate të majtë.
Mesazhi është dërguar nga një adresë me emrin “Brigadat e Kuqe”, por që përmend ISIS.
“Tani e keni radhën ju! Filloi lufta e shenjtë ndaj atyre që janë përfshirë në luftën kundër shtetit islamik. Do dridheni dhe do gjunjëzoheni para Allahut”, shkruhet në mesazh.
Pas këtij mesazhi, strukturat antiterror të Policisë së Shtetit kanë nisur hetimet. /tesheshi.com/
