Me shqelmimin e topit të parë nga Ministri i Kulturës, Rinisë dhe Sportit, Kujtim Shala ka nisur dueli ndërmjet Besës dhe Hajvalisë, njëherit ka nisur edhe edicioni i ri futbollistik në kampionatin e Kosovës në Futboll.
Besa e ka nisur me këmbë të mbarë edicionin e ri deri sa ka mposhtur në shtëpi Hajvalinë me rezultat minimal (1:0). Autor i golit të vetëm në ndeshje ishte futbollisti i ri, Donart Shqerolli që me një goditje të fortë brenda zonës arriti ta dërgojë topin drejt rrjetës.
Fitore me stil kampioni ka regjistruar edhe Ferronikeli që në udhëtim ka mposhtur Prishtinën minimalisht (1:0). Kampionët aktual duhet t`i falen ardhjes më të re në skuadër, Mevlan Zekës që përfiton pas gabimit të mbrojtjes vendase për ta orientuar topin drejt rrjetës.
Të dielën zhvillohen edhe katër duele të tjera, deri sa e gjithë vëmendja do jetë në Gjilan, me ç’rast balafaqohen Drita-Gjilani. /tesheshi.com/
