Pas Visho Ajazit e Haki Çakos, edhe Ministri i Brendshëm Saimir Tahiri, raportoi sot në Komisionin parlamentar për Sigurinë Kombëtare, lidhur me pretendimet e opozitës për ekzistencën e një pajisje përgjuese.
Edhe një herë Tahiri deklaroi se Policia e Shtetit nuk ka e nuk ka pasur asnjë pajisje përgjimi.
“Policia e Shtetit nuk ka pasur, nuk ka dhe as mund të ketë asnjë pajisje përgjimi në përdorim, për telefonatat, mesazhet, apo të dhënat e komunikimit në rrjetet e internetit dhe çdo gjë tjetër është zhurmë mediash”, deklaroi ministri në fjalën e tij.
Ai tha se Policia e Shtetit bën detyrën e saj në përpjekje maksimale për të reformuar sektorin e sigurisë dhe mbi të gjitha për tu dhënë qytetarëve shqiptarë një standard të ri sigurie, ndërsa shtoi se u trashëgua një varfëri totale, qoftë nga pikëpamja infrastrukturore, por edhe dijes për të bërë detyrën siç duhet. /tesheshi.com/
