Ministri në detyrë i Drejtësisë, Abelard Tahiri, u përball dje me Gjykatën Speciale në Hagë, por në cilësinë e dëshmitarit. Ndonëse nuk ka dalë me deklarata zyrtare lidhur me marrjen në pyetje, kohë më parë Tahiri ka sqaruar se ardhja e ftesës nga Specialja për të kishte qenë e pritshme, për shkak të paqartësive në komunikim që kishte me këtë organ gjatë kohës sa ishte ministër.
Sipas burimeve nga gazeta “Zëri”, ai është përballur me pyetjet mbi zbatimin e ligjit për mbrojtjen juridike dhe për mbështetjen financiare të personave të akuzuar nga ky organ.
Më shumë se 250 persona, kryesisht pjesëtarët të Ushtrisë Çlirimtare të Kosovës, kanë marrë ftesë për përballje me Gjykatën Speciale në Hagë, e cila ka për synim verifikimin e supozimeve se nga ana e shqiptarëve të Kosovës mund të ketë pasur krime ndaj civilëve. /tesheshi.com/
