Zbulohet çdo ditë e më shumë induksioni dhe inxheksioni politik dhe ekonmik i Beogradit në Kosovë. Asocacioni i komunave, përkatësisht pushteti parallel i serbëve jo i përfshirë në institucionet e Republikës së Kosovës, do të financohet jo vetëm nga BE dhe Pishtina por dhe nga Beoigradi. Pra me gjasa, me një buxhet që kalon pritshmëritë.
Drejtori i Zyrës së Qeverisë serbe për Kosovën, Marko Gjuriç, ka deklaruar sot në Graçanicë se Asociacioni i Komunave Serbe (AKS) do të financohet nga Beogradi, Prishtina dhe bashkësia ndërkombëtare. Ai gjithashtu pohoi se qeveria serbe do të vazhdojë të mbështesë financiarisht serbët në Kosovë. “Asociacionin e komunave serbe do ta financojë Beogradi dhe Prishtina, por edhe komuniteti ndërkombëtar. Është e sigurt se Qeveria serbe do të vazhdojë të mbështesë financiarisht serbët në Kosovë”, tha Gjuriç për mediat në Graçanicë. Ai ka marrë pjesë në një tryezë të rrumbullakët të organizuar në Graçanicë, ku temë e diskutimit ishte “Decentralizimi dhe komuniteti serbë në Kosovë”, ndërsa i dedikohet edhe implementimit të Marrëveshjes së Brukselit dhe krijimit të AKS-së. Kjo tryezë e rrumbullakët, ku morën pjesë edhe këshilltari i presidentes Jahjaga, Arbër Vllahiu, analisti Dukagjin Gorani dhe avokati Azem Vllasi, ishte e para në një seri që planifikohet të mbahen gjatë këtij viti organizohet nga Forumi për Marrëdhënie Etnike, në bashkëpunim me Fondacionin Kosovar për Shoqëri të Hapur.(tesheshi.com)
