Parlamenti është përfshirë një një debat absurd mbi shitjen e kompanisë CEZ. Palët kanë bëtitur për miliona e miliarda por asgjë nuk është kuptuar.
Debati mbi marrëveshjen mes kompanive CEZ-DIA, në të cilën përflitet për një përfshirje të paligjshme të Ilir Metës, është zhvendosur në seancën e kësaj të enjteje në Kuvend.
Ish-kryeministri Sali Berisha ka deklaruar se, mediat kanë zbuluar një tjetër akt korruptiv, që tregon se kompania e kontraktorit Kastriot Ismailaj i ka dhënë rryshfet Metës kur ishte ministër i Jashtëm.
“Nga ana tjetër, një dëshmi tjetër vjen nga ish-administratori i CEZ që thotë se, Ilir Meta ka shkuar në Pragë dhe ka negociuar për kontraktimin e Ismailajt. Meta si ministër i Jashtëm nuk ka pasur tagër për të negociuar me CEZ. Për këtë ka qenë i ngarkuar ministri i tij Edmond Haxhinasto, Ministria e Financave dhe grupi i punës”, ka deklaruar Berisha.
Ish-kryeministri ka shtuar se, Meta duhet të sqarojë se cilat ishin motivet që e çuan në Pragë për të negociuar për Ismailajn dhe për ta bërë këtë, sipas tij, kreu i Kuvendit duhet të japë dorëheqjen.
Ndaj këtyre deklaratave ka reaguar kryetari i komisionit të ekonomisë, Erjon Braçe, i cili ka thënë se, vjedhjet në këtë aferë u bënë nga vetë Berisha kur ishte kryeministër dhe ministri i tij i Financave, Ridvan Bode.
Braçe, iu drejtua ish-kryeministrit Sali Berisha, duke i thënë se, e ka zyrën në të njëjtën godinë me përfituesit e shumave të mëdha nga mbledhja e borxheve të CEZ, dy prej të cilave, sipas tij kanë të njëjtin administrator dhe i kanë zyrat në njëjtin godinë ku lshtë sot zyra e Berishës. “Në vitin 2009-të, populli kishte kompaninë shtetërore që u privatizua me një akt persona të kryeministrit të atëhershëm. I gjithë procesi u përmbyll me një takim të Berishës në Pragë, dhe aprovimit për mbështetje për statusin”, tha deputeti i PS-së. Më pas ai shtoi se, nga kompania e OSHE-së, u kaluan të gjitha asetet tek CEZ. “Ka dy çështje. Së pari kompania që do mblidhte borxhet e CEZ-it, dhe vendimet që janë marrë në favor të CEZ-it ndaj OST-së dhe KESH-së. Atëherë keni mbajtur qëndrime të kundërta. Kompanitë që do të mblidhnin janë disa, shqiptare dhe çeke”, tha Braçe.
/tesheshi.com/
