Ish-presidenti kroat, Stipe Mesiç i cili prej ditësh ndodhet për një vizitë zyrtare në Maqedoni, në agjendën e tij nuk ka paraparë takime bilaterale me drejtuesit e subjekteve politike shqiptare.
Edhe pse llogaritet si mik i shqiptarëve, mostakimi i liderëve politik shqiptar në Maqedoni, lë shumë dilema të hapura.
Ai ndodhet në Shkup me mision lobimin tek shtetasit e Maqedonisë me nënshtetësi edhe kroate, që në zgjedhjet e ardhshme parlamentare atje të votojnë për kandidatin e partisë që i takon, shqiptarin nga Zherovjani i Tetovës, Idriz Sulejmani, njofton Zhurnal.
Mesiç vizitoi edhe Komunën e Gostivarit, ku u shpall qytetar nderi, komunën e Vrapçishtit, atë të Tetovës dhe disa lokalitete të tjera, por jo edhe zyrat dhe selitë partiake të partive politike shqiptare. /tesheshi.com/
