Për të përshpejtuar daljen e migrantëve të parregullt dhe për të kursyer kohë, Norvegjia ka vendosur të paguajë 10 mijë corona (mbi 1 mijë euro) bonus, të cilat do t’u shtohen 20 mijë coronave që janë miratuar më herët me ligj dhe do t’u jepen migrantëve.
Lajmi është bërë i ditur nga Drejtoria e Migracionit. Bonusi i nisjes do t’u dorëzohet 500 mingrantëve të parë, të cilët do të paraqiten në mënyrë vullnetare për nisjen drejt vendeve të origjinës. Nëse kjo iniciativë do të ketë sukses, do të aplikohet për një pjesë të madhe të migrantëve.
“Inkurajojmë sa më shumë njerëz që të nisen. Nëse vendosin vetë të ikin, do kursejmë më shumë para: na kushton shumë më shumë që të kemi njerëz në qendrat e mikpritjes”, – ka shpjeguar ministri i Migracionit dhe Integrimit, Sylvi Listhaug, cituar nga sajti publik Nrk, duke shtuar se shpreson që programi të ketë sukses. /tesheshi.com/
