Kreu iKuvendit, Ilir Meta shpjegoi përpara deputetëve pozicionin në skandalin e CEZ që nisi me një dokument ku thuhej se përfitues nga mbledhja e borxheve të kompanisë përmes DIA-s ishte një ish-kryeministër.
“Nëse doni që ky ish-kryeministër të jem unë, më vjen shumë keq për të gjithë ju”, tha Ilir Meta në sallën e Kuvendit. Ai sqaroi se
“kompania DIA, se janë dhe 9 kompani të tjera si ajo, ka mbledhur vetëm 20 për qind të borxheve, 80 për qind shumë kompani të tjera, shumica e të cilave është krijuar pas dy vendimeve të rëndësishme, një i ERE-s për të favorizuar CEZ në dëm të KESH, me një dëm të jashtëzakonshëm, katastrofik, sipas denoncimit dhe të drejtorit të KESH, z. Zeqo, po dhe një tjetër që të mos mblidhnin thjesht borxhet e privatit si DIA, po automatikisht detyrimet e ujësjellësve, Albpetrolit përmes një vendimi qeverie”.
Meta e konsideroi skandalin në CEZ si një operacion mafioz politik, mediatik dhe financiar. /tesheshi.com/
