Presidenti Meta reagoi mbi ftesën që kryeminsitri Rama i përcolli kreut të opozitës Basha për të bashkëpunuar pas zgjedhjeve, sigurisht duke u ndjerë fitues i sigurt i tyre.
Për Ramën, mjaft që Basha të heq dorë nga Berisha e Meta, që sipas tij janë tutorë të tij.
Por kjo gjë i ka “djegur” Metës, i cili, kthesën e tij nga një njeri me “qetësi e dashuri” drejt një të tërbuari politik, e ka pikërisht që nga marrëveshja e 17 majit 2017.
“Ftesa e Ramës është shumë e sinqertë siç ishte ajo e 17 majit”, ishte ironia e Metës, si për t’i kujtuar Bashës që s’duhet ta bëjë atë hap.
Meta, në rolin e një lojtari politi, thotë se ajo duhet bërë e qartë që tani, duke e përkthyer ftesën si një koalicion të padeklaruar mes tyre.
“Ka moral, ka legjitimitet përpara se qytetarët të votojnë. Do bëjë PS dhe PD koalicion, ta bëjnë që tani edhe qytetarët të jenë të sigurt kur japin votën”, tha Meta. /tesheshi.com/
