Presidenti Meta ka vizituar Medvegjën, vendbanimin e njohur shqiptar në jug të Serbisë, ku është pritur, siç thuhet nga i madh e i vogël atje.
“Kjo është një ditë shumë e bukur për mua. Ndihem i emocionuar që ndodhem sot pranë jush. Politika duhet t’iu kushtojë më shumë vëmendje shqiptarëve këtu dhe këtyre zonave. Shpresoj që kjo vizitë e imja të kontribuojë në këtë drejtim. Nga Medvegja dua të theksoj se e ardhmja e popujve tanë dhe e të gjithë rajonit është në Bashkimin Europian dhe kjo mund të realizohet vetëm duke bashkëpunuar më ngushtë me njëri-tjetrin“, tha Meta, teksa përshëndetej nga qindra shqiptarë, e pritej gjithashtu dhe nga kryetari i komunës së Medvegjës, serbi Nebojsha Arsiç.
“Me shumë emocion ndodhem sot në Medvegjë, për më shumë vëmendje ndaj shqiptarëve këtu dhe për të ardhmen e përbashkët europiane të popujve tanë dhe të gjithë rajonit”, shkroi Meta dhe në faqen e tij në FB. /tesheshi.com/
