Ilir Meta, në daljen e parë pas zgjedhjeve të 21 qershorit ka deklaruar se LSI jo vetëm është dyfishuar por është trefishuar në të gjithë territorin. Duke dhënë një listë qytetesh, kreu i Kuvendit tha se ka mbetur i çuditur nga pritshmëria e një pjese të opinionit public që na kritikuan pse nuk i fituat të gjitha bashkitë.
Duke përmendur mos urimin publikisht të Erjon veliajt pas fitores së tij, Meta tha se e “kam uruar vazhdimisht para, gjatë dhe pas fushatës por unë publikisht urova doctor Kosovën, pasi aid ha një shembull të rëndësishëm duke pranuar rezultatin, gjë që nuk para ndodh tek ne”.
Kreu i LSI-së theksoi se do të ketë analizë të detajuar në vendet ku humbën kandidatët e saj, por nga ana tjetër shtoi se për të parë ecurinë e votës politike duhet të marrim përbazë qytetet dhe qarqet e mëdha. Pikërisht duke u nisur nga kjo, Meta bëri një ekspo ze të votave të LSI në bashkitë kryesore. “Kemi arritur rezultat të shkëlqyer në Tiranë me 13 këshilltarë dhe 54 mijë vota. 73 mijë kemi marrë në kuadër qarku.
Falënderim për qytetarët e Durrësit ku LSI mori rezultatin më të mirë deri tani, 30 mijë vota, pra 3 herë më shumë se në vitin , Fier LSI forcë e dytë, Elbasan force e dytë, Gjirokastër forcë e parë, Korçë rritja 60%, Kamëz, LSI forcë e dytë, Shkodër, kemi rritje”, tha Meta që shtoi që është punuar shumë për të dëmtuar LSI-në por nuk ja arritën. Votat e LSI kanë shkuar në drejtimin e duhur, mospërputhja mes aleancës duhet ta gjejmë në faktin që të gjithë ne kemi përgjegjësi”, deklaroi ai. /tesheshi.com/
