Lufta e të mëdhenjve kundër LSI-së vijon, por LSI tentoi sot të ulte gjakrat me PD-në duke u bërë apel militantëve se kjo luftë është e stisur.
“Nuk ka asnjë problem mes Partisë Demokratike dhe Lëvizjes Socialiste për Integrim, përkatësisht as mes qytetarëve, anëtarë apo simpatizantë të PD-së me ata që janë anëtarë apo simpatizantë të LSI-së. Prandaj, “konflikti” i PD-së me LSI-në është i stisur dhe ai që e ka kthyer këtë stisje në kalë të betejës elektorale, nuk është i denjë të krahasohet as me Don Kishotin, që luftonte me mullinjtë e erës”– shkruan Luan Rama, nënkryetar i LSI-së i cili i kujton PD-së se e ka mbajtur në pushtet me votat e saj.
Po ashtu ish-kreu i kësaj partie, me emrin e të cilit atashohet logoja e LSI-së, Ilir Meta , në daljet e tij në fushatë sulmon aleatin qeverisës Edi Ramën, por jo Bashën duke i “shkelur syrin” për ndonjë marrëveshje pas-zgjedhore.
Por, Basha ka vijuar fushatën e tij anti-LSI duke tentuar të rikthejë për PD-në afro 100 mijë vota që i rrodhën në zgjedhjet e vitit 2013.
Ai e ka cilësuar LSI-në një parti që ka skllavëruar njerëzit me teserat e partisë si triska buke. Ai i ka kujtuar dhe aferën e CEC, ku është përfshirë drejtpërdrejt emri i Metës, sot president i zgjedhur.
“600 milionë euro i ndanë me CEZ, duke sjellë rritjen e çmimit të energjisë. LSI ka bërë të vetën duke skllavëruar me teserat e partisë si triskë buke”, – tha Basha sot në Tiranë./tesheshi.com/
