Për kreun e LSI-së dhe Kuvendit, Ilir Meta, Berisha e ka politikën jo përgjegjësi por sëmundje, duke shtuar se: “…më duket se doktori ka këtë problemin e fundit dhe kjo e bën të dalë nga realiteti, të shohë ëndrra me zgjedhje të parakohshme, vrasje, tritol, dhe të shohë një qamet që s’ka asnjë zgjidhje tjetër përveç kthimit të doktorit në pushtet, mundësisht pa vota….Zoti Berisha mbetet dobësia ime”,
Deklarata e tij u bë gjatë emisionit “5 pyetje nga Babaramo”, ku përgjigjet për të shumtën e pyetjeve, ishin të shkurtëra dhe zhvlerësuese ndaj akuzave të bëra ndaj tij. Përshembull pyetjes se “Paraardhësja juaj, Topalli, ka thënë që kjo mbledhje pa drejtimin tuaj është nul?”, Meta iu përgjigj: Jam i bindur që sipas saj çdo seancë që nuk drejtohet nga ajo është nul.
Ja disa pyetje-përgjigje të zgjedhura nga emisioni:
Partia Demokratike ditët e fundit ka kërkuar dorëheqjen dhe qenia juaj konsiderohet si ndikim për çështjen Doshi. Keni ndërmend ta jepni dorëheqjen?
Është e drejtë e opozitës të kërkojë dorëheqjen. Do ketë mundësi ta kërkojë deri në tre vitet e ardhshme. Ajo që unë kam bërë për opozitën është që shkresën e 28 deputetëve nuk e kam futur në sirtar dhe e kam futur në rendin e ditës. Më shumë se kaq nuk bën dot.
A ndikojnë këto dy seancat e fundit për të cilat nuk kanë qenë normale. Në seancën e fundit nuk ishit?
Gjatë një viti e gjysëm mund të ketë pasur një apo dy seanca normale kur nuk ka qenë Doktori. Pra, çdo lloj normaliteti ka të bëjë me sjelljen e opozitës. Ne kemi bërë ç`kemi mundur, por jo t’i llastojmë.
Ju e keni lexuar kërkesën e prokurorisë për arrestimin e dy deputetëve. A ju duket bindës ky material për ato që ka ndodhur?
Ndoshta nuk do ta besoni por nuk kam pasur kohë ta lexoj materialin…
Nuk jeni kurioz?
Kurioziteti ka ikur me kohë. Tani kjo ngjarje është bërë groteske. Nuk e kam lexuar pasi nuk është detura ime për të bërë një analizë të punës së prokurisë. Ky është një qëndrim parimor, duke pranuar apo jo një kërkesë të prokrorisë.
