Lionel Messi ka ndryshuar ngjyrën e flokëve, por nuk duket të ketë ndryshuar diçka nga dëshira për të bërë më të mirën në fushë.
Pas një vere me andralla, Messi i ka lënë pas të gjitha zhgënjimet për të shpërthyer në të parën paraqitje të tij në “Camp Nou” në prag të sezonit të ri.
Në përballjen e Barcelonës ndaj Sampdorias, një ndeshje e vlefshme për trofeun “Joan Gamper”, i cili zhvillohet tradicionalisht në pragsezoni, Messi ka gatuar golin e parë, si dhe ka shënuar dy të tjerë.
Takimi do të mbyllej 3-2 për katalanasit. Suarez do ta zhbllokonte rezultatin në minutën e 16-të. Messi do ta dyfishonte atë pesë minuta më pas. Italianët pak më tutje gjejnë rrjetën me Muriel-in. Në të 34-tën minutë, Messi realizon sërish, e në të njëjtën kohë mjeshtërisht. Goli i Budimir-it nga fundi i pjesës së dytë thjesht ngushtoi shifrat për miqtë xhenovezë.
Messi ka qenë peersonazhi kryesor në këtë takim, sa për golat, aq edhe për lojën e tij. /tesheshi.com/
https://youtu.be/OmGN-V__SUw
