Uashingtoni ka përcjellë një tjetër mesazh aspak të këndshëm për opozitën dhe zgjedhjen e saj për të lënë mandatet.
Për më tepër, nga përtej oqeanit ka ardhur një tjetër mbështetje për qeverine, pos që është quajtur legjitime.
Ka qenë Zëvendës Ndihmës Sekretari i Shtetit për Evropën, Matthew Palmer ai i cili ka qenë mëse qartë në mesazhin e tij, në ditën e dytë të qëndrimit në Tiranë, në kuadër të një turi rajonal.
Nuk jam këtu për të negociuar një platforme me palët. Të gjitha partitë politike duhet të marrin pjesë në zgjedhje dhe duhet të punojnë fortë për to dhe procesin politik.
Shqipëria ka një qeveri legjitime me të cilën ne bashkëpunojmë. Jam i ndërgjegjshëm se kjo qeveri do të çojë vendin përpara dhe do vazhdojë me zbatimin e reformave si ajo në drejtësi.
Është përgjegjësi e opozitës për të marrë pjesë në zgjedhjet e qershorit. Ajo duhet të ndajë vizionin e saj me mbështetësit dhe të punojë fort. Vetëm në këtë mënyrë mundet të fitojë në arenën politike”, u shpreh Palmer në një takim sot me gazetarët
Pos kësaj, zyrtari i lartë amerikan tha se “nuk është detyrë e qeverisë të bindë opozitën të hyjë në zgjedhje. Kjo është një e drejtë ekskluzive që duhet ta vendosë opozita”.
Kështu, konfirmohet dhe njëherë ajo që ka qenë mëse evidente gjithë këto javë që kur opozita vendosi ta bëjë betejën me qeverinë me djegie mandatesh: mbështetja ndërkombëtare pothuajse zero! /tesheshi.com/
