“Le të heshtin armët!” , ishte i pari mesazh i Papa Françeskut sapo mbërriti në Irak, vizita e parë nga një Papë në historinë e një vendi të shkatërruar nga lufta dhe të goditur nga pandemia, për të përshëndetur të krishterët që mbetën atje.
Nën mbrojtje të rreptë dhe duke lëvizur vetëm me një maskë për shkak të pandemisë, Papa 84-vjeçar arriti në Irak.
Gjatë qëndrimit të tij, i cili do të përfundojë të hënën pas 1,445 kilometrash, Papa do të shtrijë gjithashtu një dorë për muslimanët në një takim me Ajatollahun e madh Ali Sistani, autoriteti më i lartë i shumë shiitëve në Irak dhe botë.
“Ka shumë dhunë, ekstremizëm, intolerancë,” tha Papa. Ka shumë “korrupsion”, për shkak të të cilit qindra mijëra irakianë protestuan për muaj në fund të vitit 2019.
Edhe atëherë, Papa i bëri thirrje Irakut të ndalojë shtypjen e të rinjve që kërkojnë drejtësi. Eshtë e nevojshme të “vendoset drejtësia”, theksoi ai.
Dhe se “askush nuk duhet të konsiderohet një qytetar i klasit të dytë”, veçanërisht jo të krishterët, të cilët përbëjnë 1 përqind të popullsisë së vendit, as Jezidet, një pakicë e torturuar nga ISIS.
Papa dënoi gjithashtu “barbarinë e paarsyeshme dhe çnjerëzore” të kryer në Irak, Mesopotaminë e lashtë, “djepi i civilizimit”.
Ai kujtoi “praninë shumë të vjetër të të krishterëve në atë vend” ku thuhet se lindi Abrahami (Ibrahimi), duke mbrojtur “pjesëmarrjen e tyre në jetën publike” si “qytetarë që gëzojnë të drejta, liri dhe përgjegjësi të plota”. /tesheshi.com/
