Presidenti serb Aleksandar Vuçiç pati një bisedë me serbët nga Kosova pas incidenteve në Veri, duke dhënë mesazhe luftënxitëse.
Ai u bëri thirrje serbëve të bashkohen dhe të kundërshtojnë autoritetet e Kosovës, dhe se Serbia do t’i mbështesë ata në këtë. Kjo këshillë nxitëse përfundoi me premtimin se në përplasje të tilla, Serbia me siguri do të fitonte në Kosovë, gjë që shkaktoi entuziazëm të madh tek të pranishmit.
“Nëse ata përdorin dhunë, ju mbroni njerëzit tuaj, dhe ne do të jemi me ju!”.
“Nëse ata përpiqen, edhe pse e di që pas kësaj fjalie e gjithë bota do të kërkojë kokën time, në atë luftë në të cilën ne duhet të mbrojmë jetën e fëmijëve tanë në Kosovë dhe mbijetesën e tyre, ne nuk do t’i mbrojmë vetëm fëmijët, por në atë luftë do të fitojmë!”, tha Vuçiç, duke marrë duartrokitje. /tesheshi.com/
