Kreut të Kuvendit të Kosovës nuk i ka mjaftuar kërkimfalja e mbrëmshme pas një debati të ashpër me deputeten Albulena Haxhiu ku u përdoren akuza dhe ofendime mes tyre. Në debat u përfshi edhe Fisnik Ismaili që i doli në mbrojtje koleges së tij znj. Haxhiu. Ai kërkoi faljes menjëherë pas atij çasti nervoz ku lëshoi gjuhën, por që kërkimi i ndjesës ka vijuar dhe sot.
Në profilin e tij në facebook, Veseli ka bërë një apologji të gjithëçfarë ndodhi, ku ka zgjedhur të kërkojë dhe njëherë ndjesë: “Situatat e vështira shkaktojnë edhe lëshime të çastit. Unë e kisha një të tillë. Mbrëmë, menjëherë ju adresova publikut për këtë. Edhe këtu dëshiroj t’i kërkoj ndjesë secilit qytetar të Kosovës që mund të jetë ndjerë keq prej këtij lëshimi,” ka theksuar Veseli.
Por më pas, ai i është lëshuar opozitës me akuza, duke tentuar të bëjë dhe pak diversion:
“Mbi të gjitha duhet të jemi krenarë me qytetarët e Republikës së Kosovës që mbrëmë qëndruan me familjet e tyre dhe nuk i dëgjuan thirrjet për t’u bërë pjesë e skenarëve të dhunës nëpër rrugë. Ata dëshmuan një vetëdije të lartë shtetërore. Ata e dinë se institucionet mbrohen duke i lënë ato të punojnë, e jo duke i shkatërruar”, ishte kjo një ndër frazat e mesazhit të sotëm të kryekuvendarit, Kadri Veseli /tesheshi.com/
