Ka marrë më në fund zgjidhje një situatë e rënduar në doganën e Kapshticës, ku për disa ditë, një grup emigrantësh shqiptarë, mes tyre rezidentë e jo rezidentë në shtetin fqinj, mbetën në tokë asnjëanëse për shkak të mbylljes së kufijve.
Kanë qenë rreth 40 sosh, të cilët janë seleksionuar sipas hallit dhe motiveve, për të hyrë në Shqipëri apo për t’u kthyer në Greqi.
27 prej tyre do hyjnë, pasi nuk janë rezidentë në Greqi, por më parë do karantinohen për dy javë në një hotel aty pranë, ku shpenzimet do u mbulohen nga Këshilli Koordinues i Diasporës. Të tjerët do kthehen nga kanë ardhur.
Ccështja morri dhe karakter politik, pasi opozita reagoi ashpër duke i trajtuar si “viktima qeveritare”. /tesheshi.com/
