Jo vetëm fiks në orar por edhe në qarkullim. Kancelarja Angela Merkel është treguar “gjermane” teksa ka mbërritur në Bulevardin “Dëshmorët e Kombit” ku është pritur nga Edi Rama. Eksporta e Merkel ka respektuar trafikun duke mos u kthyer tek selia e Kryeministrisë por ka bërë rreth-rrotullimin tek Universiteti i Tiranës në sheshin “Nënë Tereza”.
Takimi i parë i Merkel nisi me kryeministrin Rama, që do të zgjasë rreth 15 minuta. Më pas për 45 minuta do të mbahet takimi mes dy delagacioneve, që do t’ja lërë radhën konferencës së përbashkët për shtyp Rama-Merkel.
Në 16:15 parashikohet takimi i Merkel me Presidentin Bujar Nishani për t’ju drejtuar më pas konferencës së ekonomisë në “Tirana Business Park”, ku Merkel do të ketë një fjalë përshëndetëse, që shënon edhe fundin e vizitës. Vizita e kancelares Merkel zhvillohet nën masa të forta sigurie.
/tesheshi.com/
