Sipas tabloidit gjerman “Bild”, dalja e Greqisë në Eurozona tashmë është e pashmangshme dhe këtë (gjithmonë sipas Bild) e ka pranuar edhe kancelaria gjermane.
“Kancelarja ka pohuar se gjithçka ka qenë e kot me Greqinë”,- shkruan e përditshmja gjermane. Pas takimit të fundit mes lideres gjermane, presidentit francez Hollande dhe kryeministrit grek Tsipras, ‘është vënë re se dalja e Greqisë nga Eurozona është i pashmangshëm”.
Mirëpo ky është një lajm të rremë, të cilin e ka përgënjeshtruar vetë kancelajra Merkel në një konferencë për shtyp.
“Vijojnë diskutimer”,- ka thënë ajo. Duke folur për tratativat me Athinës, Merkel ka shtuar se ‘ku ka vullnet, ka edhe një rrugëdalje, por vullneti duhet të vijë nga të gjitha anët’.
“Është e drejtë të vijojmë të flasim me njëri-tjetrin deri në një zgjidhje”,- ka shtuar kancelaria gjatë diskutimit të dedikuar marrëveshjes dhe dialogut me Athinën.
Edhe qeveria e Berlinit ka siguruar se do të vijojë punën deri sa të shmangin tërësisht rrezikun e daljes së Greqisë nga zona Euro. “Sjellja jonë nuk ka ndryshuar. Do të punojmë deri sa Greqia të vijojë të ngelë një anëtar me të drejta të plota në Eurozonë”,- ka thënë zëdhënësi i qeverisë gjermane Steffen Seibert, duke iu përgjigjur një pyetje në lidhje me shkrimin e publikuar në Bild.
“Deri sa populli grek të mbështesë përpjekjet e qeverisë, qeveria do të vijojë të mbështesë kërkesat e drejta të popullit grek”,- ka deklaruar kryeministri Tsipras. /tesheshi.com/
