Bashkimi Evropian duhet të zgjidhë mosmarrëveshjet duke folur me njëri -tjetrin në vend të vendimeve gjyqësore, tha kancelarja gjermane Angela Merkel, duke iu përgjigjur një pyetjeje në lidhje me mosmarrëveshjen e sundimit të ligjit me Poloninë.
“Ne të gjithë jemi shtete anëtarë të Bashkimit Evropian, që do të thotë se ne kemi për detyrë që gjithmonë të përpiqemi të gjejmë një kompromis, pa hequr dorë nga parimet, padyshim,” u tha Merkel gazetarëve pas takimit me kryeministrin belg Alexander De Cro në Bruksel.
Gjykata Kushtetuese e Polonisë vendosi javën e kaluar se pjesë të ligjit të BE-së ishin të papajtueshme me kushtetutën e vendit, duke minuar shtyllën qendrore të Bashkimit Evropian dhe duke përforcuar frikën se Polonia mund të largohej nga blloku prej 27 vendesh.
Qeveria populiste e krahut të djathtë përplaset rregullisht me BE-në për një numër çështjesh, nga të drejtat e popullsisë LGBT deri në pavarësinë e gjyqësorit, duke provokuar një sërë procedimesh para Gjykatës Evropiane të Drejtësisë.
Kancelarja, e cila do të largohet nga detyra kur të formohet një koalicion i ri gjerman, tha se ishte e shqetësuar për numrin e padive para gjykatës kryesore të BE-së, raporton Reuters. /tesheshi.com/
