Kancelarja gjermane Angela Merkel ka dhënë një lajm pozitiv gjatë konferencës së shtypit në Kryeministrit. Zonja Merkel deklaroi se Gjermania ka nevojë për punonjës të kualifikuar dhe Shqipëria është një nga vendet ku mund të marrim punonjës por vetëm të kualifikuar.
Kancelarja Merkel ka deklaruar se mbështetje ekonomike ndaj Shqipërisë do të jetë më e shtuar. Në mënyrë direkte ajo përmendi financimin e autostradës së kaltër që lidh të gjithë vijën e bregdetit në Shqipëri.
Merkel ka shprehur “kënaqësinë e madhe” të saj që mbajti premtimin për të ardhur në Tiranë. Ajo ka theksuar se, kjo vizitë duhet të shërbejë si shtysë për të forcuar partneritetin ekonomik mes dy vendeve.
“Shqipëria ka bërë një progres mjaft të madh. Kemi mundesi më të mëdha për të arritur nivele të tjera në bashkëpunimin ekonomik. Bashkëpunimi ekonomik është një aspekt që shënon një pikë të rëndësishme në rrugën tuaj drejt BE-së”, ka thënë Merkel.
Një tjetër pikë ku është fokusuar ajo ka qenë edhe bashkëpunimi mes vendeve të Ballkanit, aspekt në të cilin sipas saj është bërë progres me vizitën e kryeministrit Vuçiç në Tiranë dhe atë të kryeministrit Rama në Beograd.
Ndërkaq Kryeministri i vendit tha se Kancelarja Merkel ka dhënë një kontribut thelbësor për rritjen e bashkëpunimit rajonal.
“Kancelarja Merkel na lehtësojë dhe na krijoi mundësi të flasim hapur. Kjo, është hera e tretë që brenda më pak se një viti m’u dha mundësia të flas me Kancelaren Merkel për të shprehur vullnetin e dyanshëm për të forcuar partneritetin mes nesh. Kancelarja Merkel bëri të mundur rritjen e djalogut në mes krerëve të vendeve të ballkanit dhe organizoi një tryezë në kancelarinë e saj, duke i hapur dritën jeshile zhvillimit dhe bashkëpunimit të rajonit tonë, duke lënë mos mbetur më peng i së shkuarës”, tha Rama.
Më tej Rama u shpreh se është e domosdoshme që BE dhe të gjitha vendeve të BE të bëjnë pjesën e tyre, pasi sipas tij integrimi në BE është vizioni për të ardhmen dhe lënia jashtë saj i lë një boshllëk që mbushet nga nacionalizmi.
Gjithashtu Rama bëri me dije se në takimin me Merkelin u bisedua lidhur me çështjen e azil kërkuesve duke theksuar se është një shqetësim për të dyja vendeve.
Kryeministri Rama u shpreh se është e domosdoshme që BE dhe të gjitha vendeve të BE të bëjnë pjesën e tyre, pasi sipas tij integrimi në BE është vizioni për të ardhmen dhe lënia jashtë saj i lë një boshllëk që mbushet nga nacionalizmi. Gjithashtu, Kreu Qeverisë Shqiptare, bëri me dije se në takimin me Merkelin u bisedua lidhur me çështjen e azil kërkuesve duke theksuar se është një shqetësim për të dyja vendeve.
Kryeministri Rama garantoi vullnetin e qeverisë shqiptare për të ndjekur modelin franko-gjerman të mardhënjeve me Serbinë. Sipas tij modeli i fqinjësisë dhe miqësisë që ndoqi Gjermani dhe Franca pas luftës së dytë botërore ishte një mdoel që duhet ndjekur dhe duhet jetë frymëzues dhe për rajonin e ballkanit.
“Jemi të vendosur të ecim së bashku me fqinjët serbë nën shembullin frymëzues të Gjermanisë e Francës. Modeli franko-gjerman i programit të shkëmbimeve rinore, është e vetmja shprehje kuptimplotë e dëshirës së përbashkët për ti dhënë fund urrejtjes brez pas brezi por edhe aspiratës sonë për të bërë për të ardhmen e rajonit atë që bënë Gjermania e Franca për të ardhshmen e BE-së. Siç është jetike mbështetja e Gjermanisë, është e rëndësishme që BE-ja të bëjë pjesën e tyre. Sot e qartë se BE ka nevojë për Ballkanin sa çka nevojë Ballkani për BE-në. Një mundësi e tillë do të ishte tragjike jo vetëm për Ballkanin por edhe Europën. Paqja që kemi arritur deri këtu, ka vetëm një fjalë çelës, Europa”, u shpreh Rama
Kryeministri bëri të ditur se në fund të gushtit do të mbahet dhe një takim tjetër mes krerëve të ballkanit në Austri. “Kjo ishte hera e tretë brenda një viti që mua më jepet kjo mundësi dhe ky fakt është kuptimplotë për cilësinë e bashkëpunimit dhe vullnetin për të forcuar partneritetin. Kancelare në emër të gjithë shqiptarëve dua t’ju them faleminderit për mbështetjen që na jepni. Në këto ditë të trazuara ka shumë rëndësi ta mbajmë parasysh rëndësinë jetike të BE-së. Kancelarja Merkel ka dhënë një projekt për të ngritur në një nivel të ri BE-në. Takimi i radhës në procesin e Berlinit që ka sjellë në rajonin tonë shpresë e bashkëpunim, do të mbahet në Vjenë në fund të gushtit dhe në rajonin tonë”, tha Rama./tesheshi.com/
