Kancelarja gjermane, Angela Merkel ka shfrytëzuar një konferencë në Zvicër për t’i dhënë përgjigje deklaratës së Hungarisë se kriza e refugjatëve është një “problem gjerman”.
Ajo ka vënë në dukje se të gjitha vendet kanë detyrimin, nga konventa e OKB-së për refugjatët, të ofrojnë mbrojtje për ata që i ikin luftës dhe persekutimit. “Gjermani, tha ajo, po e bën të sajën, por të gjitha vendet europiane duhet të bëjnë të njëjtën gjë”.
Merkel pranoi se vende të tilla si Hungaria apo Greqia duhet të mbrojnë kufijtë e tyre si kufij të jashtëm të BE-së, por ajo theksoi edhe një herë më shumë, se konventa e refugjatëve është detyruese dhe duhet zbatuar nga të gjitha vendet. /tesheshi.com/
