Merkel bën për të qarë adoleshente palestineze që përballet me deportimin

Rrallëherë Angela Merkel është përballur kaq direkt me pasojat e politikave të saj. Një takim emocional me një vajzë palestineze e la atë për momentin pa fjalë dhe të paaftë të shpjegonte në mënyrë të përshtatashme për vajzën përse ajo do të deportohej.

Në një takim, videoja e të cilit bëri xhiron e botës, kancelarja gjermane i fërkon shpatullën vajzës adoleshente që qan, por më parë i tha se ajo ishte një nga mijëra e mijëra refugjatët që Gjermania nuk është në gjendje t’i ndihmojë.

Me numrin në rritje të azilkërkuesve në Gjermani, takimi që u transmetua edhe në television, nuk ishte një surprizë në axhendën e Merkel. Ajo takoi një grup adoleshentësh 14 deri 17-vjeç në palestrën e shkollës së tyre në qytetin Rostok.

Gjatë diskutimeve, Reem, vajza palestineze iu drejtua Merkelit në një gjermanishte fluente duke i shpjeguar se ajo dhe familja e saj që kishin mbërritur në Gjermani nga një kamp refugjatësh në Liban, shumë shpejt do të deportoheshin.

“Kam synimei si të gjithë të tjerët. Dua të studioj si ata, është e pakëndshme të shohësh sesi të tjerët e shijojnë jetën dhe unë nuk mundem”, tha vajza.

Merkel iu përgjigj se e kuptonte, por “politika ndonjëherë është e ashpër. Ti je këtu përballë meje dhe je shumë simpatike. Por ti e di që në kampet në Liban, ka me mijëra e mijëra njerëz dhe nëse ne do iu thoshim të gjithëve se mund të vijnë, thjesht nuk mund ta përballojmë këtë”, ka thënë Merkel.

Ajo do të vijonte më tej, por e ka ndërprerë fjalën duke pëshpëritur “O Zot”, pasi pa që Reem nisi të qante.

Kjo ngjarje është postuar në Twitter dhe ka bërë xhiron e botës. /tesheshi/