Flokët e yndyrshëm, aq sa përparësi, aq edhe probleme kanë në trajtimin dhe mirëmbajtjen e tyre. Shpesh dëgjojmë këshilla nga më të ndryshmet, përfshirë edhe nga parukieret, të cilave u besojmë kujdesin e flokëve, por edhe nga gjyshet. Në të vërtetë, ekzistojnë disa mënyra natyrale, pa përbërës me kimikate, që mund të mbajnë yndyrën larg nga floku juaj…
Shampo natyrale që e bëni vetë – Ja një mënyrë e thjeshtë dhe efikase për të realizuar një shampo me produkte natyrale: Hidhni ujë të nxehtë në 15 gramë rosmarinë të tharë dhe lëreni ujin të pushojë bashkë me rosmarinën për 15 minuta. Më pas shtoni 15 gramë sapun të lëngshëm. Përzieni mirë dhe lëreni masën e përftuar që të ftohet. në fund shtoni pak lëng limoni dhe hidheni në një shishe.
Rukola – Është shumë e thjeshtë përgatitja e një medikamenti shumë efikas për flokët, kundër yndyrës. Përgatisni një infuzion me rukola, shtoni bikarbonat dhe gjysmë luge squfuri.
Vaj esencial – Një tjetër mënyrë është shtimi i tre pikave vaj portokalli në shampon tuaj. Ky vaj ka veti bonifikuese dhe pastruese ndaj yndyrës së flokëve.
Uthulla e mollës dhe mentja – Ju mund të përgatisni një përzierje me uthull molle apo mente për të pastruar flokët nga ky lloj problemi. Për të përgatitur përzietjen nevojitet të hidhi tre gota ujë dhe tre gjethe mesteje në një enë. Të shtoni më pas dy lugë uthull molle dhe ta lini përzierjen të pushojë për 30 minuta. Aplikojeni 2 herë në javë për 10 ditë rresht./tesheshi.com/
