OMONIA (Bashkimi Demokratik i Minoritetit Etnik Grek), pretendon se gjatë Censusit që ka nisur në Shqipëri po pengohet deklarimi i atyre që ndihen grekë apo helenë. Në ngjashmëri me stilin serb të të menduarit, aludohet se ndaj shtetasve grekë po ushtrohet padrejtësi. Theksi vihet te drejtori i Arkivit të Shtetit, historiani Ardit Bido, një delvinjoto-sarandiot, i cili ka denoncuar një projekt grek me anë të Censusit, përfshirë dhe Belerin, me synimin e dygjuhësisë nga Konispoli në Llogara.
“Në kuadrin e përgjithshëm u vu re gjatë gjithë javës fushatë e paargumentuar antihelenizmi në mjetet e informimit masiv dhe veçanarisht në rrjetet e komunikimit social”, thuhet në reagim, ku e kundërta, argumentat e Bidos po janë mjaft të forta.
Më pas vijon mendësia tipike serbe, ajo e mitit të persekucionit.
“Në syrin e ciklonit është minoriteti etnik krek dhe objektiv konkret minimi i procesit përmes privimit të së drejtës së vetëdeklarimit të qytetarëve. Edhe një herë në këtë fushatë u ‘angazhuan’ formacione politike nacionaliste, ofiqarë të shtetit dhe faktorë ndikues në opinionin publik”.
Në syrin e ciklonit nuk është minoriteti, populli, pra grekët e zakonshëm, bashkëjetues të paqtë me shqiptarët por politika beleriste që buron nga Athina. Dhe Ardit Bido nuk ashtë nacionalist, por një atdhetar që denoncon mjeshtërisht mbrapshtitë nacionaliste të fqinjit, që e ka këtë mbrapshti tipar shtetëror. /tesheshi.com/
