Një grua kryebashkiake është vrarë në Meksikë, vetëm pak orë pasi është betuar në detyrën e saj.
Kryebashkiakja u qëllua nga njerëz të armatosur pjesë e klaneve të Narkos, trafikantëve të kokainës në vend.
Gisela Mota, 33 vjeç u zgjodh kryetare e bashkisë së Temixco, në shtetin Morelos, 85 chilometri në jug të Meksikos-kryeqytetit të vendit.
Pak orë pasi është betuar, katër persona të armatosur i kanë hyrë në shtëpi dhe e kanë vrarë me gjakftohtësi.
Policia e ardhur me shpejtësi ka zhvilluar një konflikt të armatosur me bandën dhe ka vrarë një person, ndërsa ka arrestuar tre të tjerët.
Gisela Mota, ish-parlamentare është zgjedhur nga një listë të qendrës së majtë. Ajo kishte premtuar se do ta pastrojë qytezën industriale me rreth 90.000 banorë, e cila ka probleme të forta me krimin e organizuar dhe narkotrafikun, siç ndodh në fakt në pjesën më të madhe të Meksikës.
Temixco është një qytet i vendit që ka shkallën më të madhe të kriminalitetit si pasojë e bandave të organizuara, të specializuar sidomos në trafikun e drogës, të cilat shpesh punojnë në bashkëpunim me autoritetet lokale. Një nga këto grupe është dhe karteli Guerreros Unidos, i akuzuar se është përgjegjës për zhdukjen e 43 studentëve në shtatorin e 2014-s, në shtetin e Guerreros.
Guvernatori Ramirez deklaroi se nuk do të kishte më “pandëshkueshmëri” për vrasjen e Gisela Mota, që bëhet në mes të një beteje politike mbi funksionimin e policisë lokale.
Një nga rastet më flagrante të vrasjeve në Meksikë muajt e fundit, ishte ai i fotoreporterit Ruben Espinosa, i cili i vra në verë. /tesheshi.com/
