Kryeministri rus, Dmitri Medvedev, duke i uruar mirëseardhjen homologut grek, Aleksis Cipras tha se Rusia e konsideron Greqinë si një partner shumë të rëndësishëm, me perspektivë.
”Jam shumë optimist se përveç dimensionit politik të vizitës shpresoj se do të ketë edhe rezultate të tjera dhe ftoj kryeministrin grek të shfaqë çështjet e hapura dypalëshe të bashkëpunimit ekonomik”, theksoi Medvedev gjatë takimit me Cipras.
Kryeministri grek e cilësoi shumë thelbësor takimin e tij me presidentin Vladimir Putin.
”Ne hodhëm bazat për një riffillim rrënjësor të marrëdhënieve ndërmjet të dy vendeve, marrëdhënie të cilat sigurisht kanë rrënjë shumë të thella, pasi janë të qarta ndjenjat e miqësisë dhe të vëllazërisë ndërmjet dy popujve tanë”, theksoi Cipras.
