Kryeprokurori i Arabisë Saudite, Saud el Moheb ka refuzuar t’u tregojë kolegëve turq se ku gjendet trupi i gazetarit të vrarë Jamal Khashoggi, njoftoi media turke, duke cituar deklarata nga burime të paidentifikuara nga qeveria.
Gazeta turke Hurriyet thotë se zyrtarët turq kanë “mosbesim të madh” kundër Moabit, sepse ai nuk pranoi t’i përgjigjej pyetjes rreth trupit të Khashoggi.
Mojebi nuk donte të zbulonte informacione për bashkëpunëtorin lokal të vrasësve, pavarësisht se ka thënë publikisht se një person i tillë ishte përfshirë në vrasje, shkruan Sputnik.
Nga ana tjetër, Kryeprokurori turk nuk ka pranuar t’i japë kolegut saudit një regjistrim audio e as të dhëna për telefonin e Khashoggi.
Prokurori saudit arriti në Stamboll të dielën, më 28 tetor. Ai u takua dy herë me Kryeprokurorin Irfan Fidan, dhe gjithashtu vizitoi ambientet e konsullatës.
Turqia kërkon që 18 sauditët e akuzuar për vrasjen të esktradohen për gjykim në Turqi, gjë që Riadi nuk e pranon. /tesheshi.com/
