Mediat serbe kanë një qasje përgjithësisht normale për vizitën e Kryeministrit Aleksandër Vuçiç në Tiranë, por të parë nga këndvështrime të ndryshme. Media më e madhe dhe më serioze në vend, televizioni B92 e titullon kështu një artikull të saj: “Vuçiç shikon provokacion aty ku Rama shikon gallatë”. Duke iu referuar incidentit të dronit B92 thekson se Rama tashmë e ka përdorur politikisht por edhe ka luajtur me mjeshtëri.
Kurse gazeta “Danas” një tjetër media e ekuilibruar e ka bërë gati titulli për nesër: “Kosova është e vetmja pike mosmarrëveshje tek të dy kryeministrat’. Tabloidi “Kurir” e ka të thjeshtë titullin: Vuçiç në Tiranë: Kosova është Serbi. “Informer” ka përdorur sarkazmën: Rama: Se kuptoj pse nxeheni për dronin, ishte shaka. Vuçiç: Për ne harta që solli droni nuk është gallatë. Gazeta e vjetër “Politika” thekson: Vuçiç: “Dallimet mbi Kosovën duhet të lehtësojnë dialogun. Rama: Ne nuk duam barriera mes serbëve dhe shqiptarëve.
Ndërkaq, një tjetër media serbe Blic acaron situatën: “Inicident i ri mes Rames dhe Vuçiçit. Rama “kërkon” Preshevën”.
/tesheshi.com/
