Liderët e dy partive kryesore politike BDI dhe PDSH, Ali Ahmeti dhe Menduh Thaçi sipas gazetës maqedonase “Dnevnik” kanë shtuar stafin e tyre të sigurisë. Kjo situatë vjen si pasojë e kërcënimeve publike të bëra përmes komunikatave që mbajnë emblemën e UÇK-së, ku Ahmeti dhe Thaçi janë akuzuar për tradhti. Ndërsa lidhur me këtë edhe vetë një nga ish-komandantët e UÇK-së, Xhezair Shaqiri në një intervistë për KTV deklaroi se Ahmeti më shumë se një herë e ka merituar plumbin për tradhëtitë që i ka bërë, shkruan Dnevenik.
Nga dyja partitë politike nuk komentojnë se a kanë shtuar ose jo masat e sigurisë, mirëpo burime jozyrtare partiake e bëjnë të ditur këtë.
Jozyrtarisht sigurimi i Ali Ahmetit, si dhe i selive partiake të BDI-së në Tetovë e Çair është shtuar menjëherë pas ekskplozionit që ndodhi në shtabin e kësaj partie në Reçicë të Vogël. Atëherë u fol se është kërkuar që edhe badigardëd e mëparshëm të Ahmetit të jenë pranë tij për të rritur sigurimin persnonal të tij dhe selive. Siç shkruan Dnevnik nga PDSH nuk kanë arritur të marin ndonjë informacion lidhur me këtë çështje, edhe pse prej kohësh flitet se Menduh Thaçi nëpër takime publike mban edhe jelekë antiplumb.
