Aleksandër Niqiforoviç nga Novi Pazari vendosi të kalojë pushimet në Shqipëri, dhe siç ka shpjeguar për Blic, në fillim kishte një paragjykim, por shpejt ndryshoi mendjen e tij për këtë vend.
“Qëndrimin e ndryshova qysh në ditën e parë. Plazhet janë të pastra, çmimet në kafene dhe restorante janë më të ulëta se në Novi Pazar, stafi në restaurante dhe njerëzit janë miqësorë, veçanërisht për ne nga Serbia. Më të moshuarit madje flasin edhe serbisht dhe bisedojnë me ëndje me banorët nga vendi ynë. Absolutisht askush i kushton rëndësi politikës dhe as që flet rreth saj”, thotë Aleksandri.
Ka mbetur i kënaqur me detin, plazhet, rërën dhe njerëzit. Dhe kështu ka nisur të mendojë për blerjen e një prone në Durrës, shkruan Blic-i serb.
“Ne besojmë se ky është një investim i mirë, me potencial të madh turistik dhe ne besojmë se vitin e ardhshëm Durrësi do të jetë një nga destinacionet kryesore. Sigurisht që çdo vit do të jem atje”, ka thënë Aleksandri.
Ai shpjegoi se një numër bashkëqytetarësh të tij vendosën që të shkojnë në Shqipëri e jo në Mal të Zi, për shkak të çmimeve më të përballueshme, plazhit dhe detit. /tesheshi.com/
