Mediat italiane interviston tifozët e njohur si “Ballistët”, që janë mbështetësit më të zjarrtë të ekipit të Shkendijës së Tetovës, por edhe ndër grupimet më të zjarrta të tifozëve shqiptarë.
Në prag të ndeshjes kundër Milanit, e vlefshme për fazën play- off të Ligës së kampioneve, “Gazzetta dello Sport” ka zhvilluar një intervistë me disa tifozë të ekipit shqiptar.
Ata pohojnë se ekipi i Shkendijës është gjithçka, madje shkojnë deri atje sa thonë se janë gati të hyjnë në burg ose të vdesin për të.
E kam lexuar historinë e klubit. Shkëndija çdo herë ka pasur lidhje të fuqishme me Shqipërinë. Lexova se një anëtar i juaji, Ismail “Ballist” Morina është arrestuar në Kroaci dhe e pret ekstradimi në Serbi për rastin “Dron” në ndeshjen Serbi-Shqipëri? Çfarë mendoni në lidhje me ekstradimin? Si është raporti juaj me opinionin maqedonas?
Shkëndija është klub shqiptar dhe ne gjithmonë kemi respekt për Shqipërinë dhe Kosovën. Ismail “Ballist” Morina është nga Kukësi i Shqipërisë, ndërsa mënyra e sjelljes së qeverisë shqiptare është katastrofë. Jemi të mllefosur për shkak se nuk mundemi të bëjmë asgjë, ndërsa ai është në Kroaci. Nëse përfundon në Serbi nuk do të jetë lehtë për askënd. Nuk kemi kurrfarë raporti me opinionin në Maqedoni, i urrejmë dhe iu dëshirojmë më të keqen, sikur ata na e dëshirojnë neve.
Çfarë paraqet Shkëndija për ju? Nuk është vetëm thjesht një ekip…
Për ne Shkëndija është gjithçka. Ajër dhe ushqim. Për Shkëndijën jemi gati të shkojmë në burg, madje edhe të vdesim. Ajo na ka dhënë më shumë se kushdo tjetër në Iliridë (Maqedoni). Nëse ndonjëherë vini në Tetovë, që ta ndiqni ndeshjen tonë me rivalin, Vardarin, do të shihni se çfarë domethënie ka Shkëndija për ne. Ka të moshuar 60-70-80 vjeç që qajnë kur fitojmë dhe fëmijë që rriten me dëshirën që të luajnë për Shkëndijën.
Emri “Ballistë” nga vjen? Çfarë qëndron pas tij?
KF Shkëndija është themeluar në vitin 1979 për të përfaqësuar shqiptarët në Jugosllavi dhe më pas në Maqedoni. Emri “Ballist” vjen nga “Balli Kombëtar”, që ishin luftëtarë të njohur si ballistë. Ka qenë lëvizje për ekzistencën e shqiptarëve, lëvizje antikomuniste, kurse si organizatë politike ka lindur në vitin 1942. Motoja e Ballit Kombëtar ishte: Shqipëria e shqiptarëve, vdekje tradhtarëve! Grupi ynë është themeluar në vitin 1992 nga disa tifozë, të cilët sot e kësaj dite shkojnë nëpër ndeshje të Shkëndijës. Grupi tani është shumë i madh, jemi si një familje, e cila vendos për çdo punë. Nga viti në vit rritemi dhe askush nuk mund të na ndalë.
Vardari, rivali juaj i ka ngjyrat e njëjta, por shfrytëzon “V”-në cirilike të emrit. Si ka lindur rivaliteti me ta?
Për ata jemi të frikshëm. Çdoherë që dëgjojnë “ballistët” nuk flenë me ditë. Maqedonasit janë të përkrahur nga qeveria maqedonase, ne urrehemi pafund.
Si do ta prisni Milanin në shtëpinë tuaj, “Ecolog Arena”?
“Ecolog Arena” ende nuk është gati. Do të jetë pas dy-tri vitesh. Me Milanin luajmë në Shkup, në “Telekom Arena”. Për Milanin do të jetë mirë, nuk kemi asnjë problem. Milani u solll shkëlqyeshëm me ne. /tesheshi.com/
