Parlamenti Evropian dhe Këshilli i Bashkimit Evropian kanë arritur një marrëveshje mbi futjen e certifikatave dixhitale për qytetarët e BE, të cilat duhet të lehtësojnë udhëtimet brenda Unionit nga qershori.
Marrëveshja u arrit pas katër raundesh negociatash midis PE dhe vendeve anëtare të BE dhe bazuar në propozimin e Komisionit Evropian për të futur çertifikata dixhitale që do të “hapin kufij”, të cilat do të njihen nga të gjitha vendet anëtare dhe që do të lidhen me informacionin e vaksinimit, posedimi i antitrupave ose testi negativ i PCR.
Në Bruksel, ata deklarojnë se kjo marrëveshje hap rrugën që “çertifikatat e përbashkëta dixhitale evropiane të jenë të gatshme nga qershori, si për sa i përket kushteve ligjore dhe teknike”.
PE shprehet se duke pranuar certifikatën, vendet anëtare të BE janë zotuar të përmbahen nga vendosja e kufizimeve shtesë të udhëtimit, të tilla si teste shtesë ose karantinë, përveç nëse ato janë të nevojshme për të mbrojtur shëndetin publik.
Komisioni Evropian është zotuar të mobilizojë 100 milion euro nën Mekanizmin e Mbështetjes Emergjente për të mbështetur disponueshmërinë e testeve të përballueshme.
Një propozim për të harmonizuar certifikatat dixhitale të gjelbra me certifikatat e vendeve të treta është gjithashtu në proces dhe Këshilli i BE u ka bërë thirrje vendeve anëtare të njohin certifikatat e vaksinimit të lëshuara nga vendet e treta ndërkohë. /tesheshi.com/
