Edi Rama ka vendosur sot të mbledhë Asamblenë Parlamentare të Partisë Socialiste pas një abstinence të gjatë 2 vjeçare, bashkë me akuzat dhe kritikat e socialistëve oponentë sib en Blushi, apo këshiltarëve jo komodë si Servet Pëllumbi.
Asambleja do të mbidhet në shtator për të vendosur për zgjedhjen e kryetarit me parimin një anëtar një votë dhe më pas Kongresi në dhjetor do të zgjedhë asamblenë e re dhe kryesinë.
Sot grupi parlamentar socialist ka bërë nje përmbledhje të përgjithshme të zgjedhjeve lokale të 21 qershorit. Analiza e detajuar do të kryhet në shtator, kur është vendosur të mblidhet Asambleja Kombëtare dhe në dhjetor kongresi i PS-se.
Në takimin e parë të deputeteve pas përfundimit të zgjedhjeve, që zgjati për rreth 45 minuta, kryeministri Edi Rama, ka thënë se fitorja ishte e madhe, por se përgjegjësitë tashmë janë më të mëdha. Mësohet se Rama ka tërhequr vëmendjen e deputetëve socialiste se duhet të përqendrohen në detyrën e tyre në parlament, në shqyrtimin dhe mbështetjen e projektligjeve dhe reformave të propozuara nga qeveria. Deputetet socialiste në fund të mbledhjes bënë të ditur se asambleja e shtatorit do të vendose, nëse do të thirret baza të votoje për kryetarin e PS-së në baze të parimit një anëtar, një votë. Gjithashtu u bë e ditur se do të kryhet riorganizimi i strukturave drejtuese.
/tesheshi.com/
