Mbrëmja e shkuar ka qenë fatale për më e pakta 21 persona, mes të cilëve dy fëmijë, që patën zgjedhur të lundrojnë në lumin Nil. Përplasja e një trageti me një anije mallrash u ka marrë jetën atyre, ndërsa vazhdojnë kërkimet për të humbur të tjerë.
Ministri egjiptian i Punëve të Brendshme ka njoftuar në faqen e tij në Facebook se gjashtë nga pasagjerët e gjendur në traget janë shpëtuar, e po kërkohen katër të tjerë.
Kërkimet kanë vazhduar gjatë natës, edhe pse errësira ka penguar një ndërhyrje më të shpejtë për t’u ardhur në ndihmë të aksidentuarve.
Burimet spitalore dhe të sigurisë njoftojnë se ka patur shumë fëmijë udhëtarë, por pa dhënë informacion mbi moshën e dy të vegjëlve të vdekur.
Ndërkaq policia ka arrestuar kapitenin e anijes së mallrave dhe zëvendësin e tij.
Aksidente të tilla nuk janë të rralla në brigjet e Nilit dhe të Egjiptit. Më i rëndi prej tyre është ai i shkurtit të vitit 2006, kur një traget egjiptian u mbyt në Detin e Kuq, duke u marrë jetën mbi 1.000 personave.
Trafiku ujor vazhdon të jetë prej ditësh i rënduar përgjatë Nilit, veçanërisht pranë Kajros, pasi fundi i muajit të Ramazanit dhe festimet pasuese kanë sjellë një lëvizje të madhe të njerëzve. /tesheshi.com/
