Është mbyllur operatori i katërt i telefonisë celulare në Maqedoni. Bëhet fjalë për “Albafone”, operator i cili nuk do të ekzistojë më në këtë vend. Kjo ishte e vetmja kompani shqiptare në tregun maqedon.
Kjo kompani ka informuar klientët e saj përmes mesazheve publike se nuk do të funksionojë më dhe se ata duhet të transferohen tek operatorët e tjerë.
Kompania “Albafone” ofroi shërbime të telefonisë celulare rreth dy vjet më parë me prefiksin 073.
Ajo kishte të paktën 16 mijë abonentë dhe po shfrytëzonte shërbimet përmes kompanisë “One”.
Ky operator i katërt i telefonisë celulare ka edhe borxhe të mëdha përfshirë edhe ato ndaj mediave lidhur me fushatat mediale.
Pronar kryesor i saj është djali i Remzi Hoxhës që ka edhe një institucion arsimor privat. /tesheshi.com/
