Pas miratimit në Kuvend të hënën sot është mbledhur për herë të parë Komisioni ad-hoc, i cili do të bëjë verifikimin e kandidatëve të institucioneve të Vetingut.
Në këtë mbledhje ka nisur shqyrtimi i kandidatëve për listat e vettingut që nuk plotësojnë kriteret. Komisionerët kanë vendosur që kandidatët me vlerësim negativ të dëgjohen në Komision më 29 maj.
Por anëtari i PD në komision, deputeti Oerd Bylykbashi, tha që shqyrtimet dhe dëgjesat nuk duhet të jenë vetëm për ata kandidatë që kanë vlerësim negativ apo që nuk plotësojnë kriteret, por dhe për listën e ‘pastër’ që ka kaluar në vlerësim pozitiv nga Operacioni Ndërkombëtar i Monitorimit.
Kryetarja e komisionit, deputeja socialiste Vasilika Hysi tha se nuk lejohet që t’i bëhet rishikim të listës së OMN-së.
Një propozim interesant ka ardhur nga anëtari i PD, Flamur Noka i cili tha se komisioni duhet të punojë natën pasi deputetët anëtarë janë në fushatë elektorale gjatë ditës. /tesheshi.com/
